Зеленски е уверен дека Украина заслужува да почне преговори за членство во ЕУ годинава
Украинскиот претседател Володимир Зеленски денеска изјави дека неговата државата заслужува да ги почне преговорите за членство во ЕУ оваа година.
„Верувам дека Украина заслужува да почне преговори за членство во ЕУ оваа година“, нагласи вечерва Зеленски.
Изјавата е дадена пред утрешниот самит ЕУ-Украина.
Зеленски од почетокот на руската инвазија врз Украина постојано се залага неговата земја да биде примена во ЕУ, и тоа по брза постапка.
„Ги повикувам сите што имаат владини функции да ја видат својата должност, работата кон членството во ЕУ, како битка на првата линија за нашата држава, за Украина, за вас и мене“, повика тој во една изјава минатата година.