5 C
Скопје

Зеќири-Галовеј: Континуирана британска поддршка на процесот на реформите во јавната администрација и за интензивна стопанска соработка

Континуираната британска поддршка за процесот на реформи на јавната администарција во земјава и интензивирање на стопанската соработка меѓу двете земји беа меѓу темите на разговор на денешната средба на генералниот секретар на Владата на Република Северна Македонија, Мухамед Зеќири со амбасадорката на Обединетото Кралство во нашата земја, Рејчел Галовеј. Галовеј честитајќи му ја новата функција изразила подготвеност за продолжување на соработката со уште поголема динамика.

Како што соопштија од прес-службата на Владата, на средбата беа истакнати придобивките од традиционално пријателските и одлични билатерални односи на Обединетото Кралство и Северна Македонија, при што беше констатирана безрезервната поддршка по однос на актуелните реформи за поефикасна јавна администрација и беше изразена подготвеност за користење на британските искуства и решенија со цел подобрување на степенот на професионалност, ефективност и компетентност во работењето на администрацијата.

Прочитајте и...  Зачестени трудови инспекции во Прилеп, а прекршувањата на работничките права се исти

– Генералниот секретар Зеќири ја истакна важноста од спроведувањето на демократските реформи на јавната администрација, нагласувајќи дека Генералниот секретаријат и Владата продолжуваат во насока на создавање на ефикасна, стручна, отчетна и транспарентна администрација, која ќе обезбеди квалитетни услуги за граѓаните и бизнис секторот, се наведува во соопштението.

На средбата, се додава, се разговараше и за преземените мерки од страна на Владата, за намалување на последиците од здравствено-економската криза и беше изразена поддршка за пакетот мерки кои се преземаат за помош на компаниите и одредени категории загрозени граѓани.

Од страна на амбасадорката Галовеј, се наведува, беше изразена подготвеност и отвореност за поддршка за помош при воспоставување контакти за поинтензивни разговори при обезбедувањето на вакцини за граѓаните на Република Северна Македонија.

Прочитајте и...  ВИДЕО | Новите згради на факултетите и после 6 години не се завршени, МОН допрва ќе бара нов изведувач

На средбата, позитивно беше оценета стопанската соработка меѓу двете земји, при што беше изразена надеж за интензивирање на добрата соработка во однос на обезбедување уште поголем број странски инвестиции, стои во соопштението од владината прес-служба.

Поврзани вести

Која е нишката што ја поврзува Македонија со кланот „Америка“

Слободен печат

Милета Миљаниќ, ака Мајк падна во Њујорк: Агентите на ФБИ му ставија лисици на рацете на водачот на кланот „Америка“

Слободен печат

Хелен Мирен ќе ја напише светската порака по повод Светскиот ден на театарот

Слободен печат

Вашингтон со критика до Пекинг заради наметнување на изборниот закон во Хонгконг

Слободен печат

ВИДЕО I Еден мигрант загина, а неколку се повредени во експлозија во минско поле во близина на Плитвице

Слободен печат

Захарова: Русија конструктивно ќе одговори на позитивните сигнали од САД

Слободен печат

Остави Коментар