Зедер: Германците повторно мора да работат повеќе

Работници во Германија/Фото: EPA-EFE/ANNA SZILAGYI

Германците треба повторно да работат повеќе бидејќи германската економија бележи лоши резултати, смета премиерот на југоисточната германска покраина Баварија, Маркус Зедер, нагласувајќи дека другите земји станале економски поуспешни.

„Во Грција, на пример, сега има шестдневна недела, додека ние зборуваме за четиридневна недела. Нема да ги стигнеме на тој начин. Мораме повторно да работиме повеќе, но повеќе работа треба да се исплати“, изјави Зедер за „Билд“.

Според некои податоци, германската економија ја губи конкурентноста, а Зедер смета дека овие податоци се предупредувачки сигнал. Според лидерот на Христијанско-социјалната унија (ЦСУ), актуелната влада нема стратегија за решавање на економските проблеми.

„Помал просперитет значи опасност за стабилноста на Германија, смета Зедер, особено ако се земе предвид зголемената популарност на десничарската Алтернатива за Германија на истокот на земјата. „На нашата земја и треба економско чудо“, заклучи Зедер.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот