Повеќе од 20 000 медицински сестри и техничари работат во болници, но според сегашните систематизации, уште 4500 треба да бидат вработени додека не се полни капацитетот, соопшти денеска Хрватската комора на медицински сестри и Хрватскиот синдикат на медицински сестри и техничари.

Недостатокот е најизразен во големите болнички состави, клиничките болнички центри и клинички болници, додека недостатокот на медицински сестри и техничари во општите и окружните болници се движи помеѓу 10 и 35 проценти, се вели во изјавата на нивните претставници по неодамнешната средба со министерот за здравство Вилијам Берош.

Бројките не се од вчера

-Овие бројки не се од вчера, туку се акумулираат со текот на годините. Добар знак е дека сега започнавме да го решаваме проблемот. Му предложивме на министерот Берош да се формира работна група за да се решеи проблемот со недостаток на медицински сестри и техничари и веднаш да започнат со работа- рече претседателот на Комората Марио Газиќ, кој на состанокот беше придружуван од претседателката на синдикатот Аница Пражњак.

Комората и Синдикатот предупредија и на потребата од измена на Уредбата за звања на работни места и коефициенти на сложеност на работните места во јавните услуги.