Здружението„Тиквешки лозароовоштари” бара отштета за над 1 300 земјоделци поради летната суша

Грозје / Фото: МИА

Регионалното здружение „Тиквешки лозароовоштари” бара отштета за над 1 300 земјоделци поради летната суша.

Претседателот на здружението, Дане Јошев информираше дека по повикот од општините Кавадарци и Неготино за пријавување на последици од суша, се пријавиле 1 325 земјоделци.

– Се работи за лозари и овоштари кои претрпеа штети од суша, а во тој момент имаше проблеми и со недостаток од доволно вода за полевање, кај оние насади кои се под систем за наводнување. Затоа очекуваме отштета од државата за претрпените штети и изгубениот приход од земјоделските имоти, нагласи Јошев за МИА.

Тој рече дека се надеваат дека ќе добијат пари најбрзо што е можно, бидејќи, како што додаде, новата производствена сезона е започната и земјоделците се на терен, па имаат потреба од финансиски средства, за организирање на производството.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот