Пејачот Здравко Чолиќ се огласи во врска со смртта на легендарниот музичар Борисав Ѓорѓевиќ – Бора, познат како Бора Чорба. Тој објави нивната заедничка фотографија и му посвети емотивна порака на својот долгогодишен пријател и соработник.

„Бора, нашиот добар Бора. Голем уметник кој прерано нè напушти. Работевме и се дружевме повеќе од 45 години. Првата песна која ми ја напиша беше ‘Продужи даље’. Се сеќавам дека тоа беше првата песна која ја направи за некого, а да не е за негова група.

Што да се каже за неговите текстови, за неговите песни? Уметнички дела. Уметнички дела кои секогаш ќе нè потсетуваат на големиот Бора. Ти благодарам за сè. Секогаш ќе бидеш во нашите срца“, напиша Чолиќ во својата објава на Инстаграм.

Да потсетиме, Бора Ѓорѓевиќ почина денеска на 72-годишна возраст откако беше хоспитализиран поради пневмонија. Најпрво поради тешко воспаление на белите дробови заврши во болница во Љубљана, а потоа состојбата му се влоши и беше ставен на респиратор.

Бора конечно ќе го најде својот мир!