Здрав десерт кој „сам“ се подготвува (РЕЦЕПТ)
За подготовка на овој десерт вие треба да вложите само околу 10 минути, остатокот се подготвува „сам“.
Овој чоколаден пудинг од чиа семе треба да отстои преку ноќ во фрижидер, за да може состојките убаво да се соединат и да го формираат слаткиот вкус.
Потребни состојки за пудингот:
Една шолја кокосово млеко
Една шолја оризово млеко
6 лажички чиа семе
2 лажички јаворов сируп или мед
Две лажички какао
За преливот од малини:
2 шолји свежи малини
2 лажички чиа семе
Една лажичка екстракт од ванила
Подготовка:
Во чинија измешајте ги млеката, чиата, какаото и засладувачот. Оставете да отстои 10 минути, па пак измешајте. Смесата треба преку ноќ да остане во фрижидер.
Малините изгмечете ги со вилушка, додадете го чиа семето и ванилата. И оваа смеса треба да отстои преку цела ноќ во фрижидер.
Наредниот ден префрлете го чиа пудингот во чаши и одозгора ставете од смесата со малини.
