Хром добива целосно реконструирана сообраќајница со поставена нова мрежа за атмосферска канализација и обновени тротоари, информира градоначалникот на Општина Ѓорче Петров, Александар Стојкоски.

Викендов, како што вели градоначалникот, започна завршната фаза од реализацијата на реконструкцијата на улицата Манчу Матак, улица која со децении беше во лоша состојба, а е лоцирана во урбаното јадро во општината.

На улицата досега е извршена целосна реконструкција на коловозот во должина од 750 метри, поставена е нова атмосферска канализација, обновени се тротоарите и извршена е реконструкција на електричната инсталација и мрежата по трасата.

Наредната недела следи поставување на финалниот асфалтен слој и обележување на хоризонталната сообраќајна сигнализација – информира Стојкоски.