Заврши снимањето на специјалната епизода на „Пријатели“: Што знаеме досега за обединувањето?

Instagram

Снимањето на специјалната нова епизода на „Пријатели“ заврши оваа недела, а обожавателите на серијата наскоро ќе имаат можност повторно да ги видат најомилените шест пријатели на сите времиња, пишува „Entertainment Weekly“.

Она што е веќе познато е фактот дека сите членови на оригиналната постава на култната серија „Пријатели“ се повторно обединети – Џенифер Анистон, Кортни Кокс, Метју Пери, Лиза Кудроу, Дејвид Швимер и Мет Лебланк за нова специјална епизода!

Instagram
Instagram

Проектот беше објавен во февруари 2020 година, но поради пандемијата на коронавирусите, снимањето започна дури на почетокот на април оваа година.

На официјалниот инстаграм – профил на „Пријатели“ деновиве беше објавена фотографија на која креаторите на серијата објавија дека снимањето е успешно завршено.

 

View this post on Instagram

 

A post shared by Friends (@friends)

Иако точниот датум на премиерата не е познат, познато е дека новата епизода ќе биде премиерно прикажана на платформата „HBO Max“. Сите обожаватели на серијата можат да ги најдат останатите десет сезони на популарната серија на истата платформа.

Важно е да се каже дека новата епизода не е направена според сценариото, ниту пак шестмината ќе ги повторат своите улоги. Наместо тоа, тие ќе учествуваат во некаков разговор во вид на ток-шоу и заедно присеќавајќи се снимањето на десетте сезони од 1994 до 2004 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот