Џафери даде пауза до 22 часот кога, како што најави, ќе почне 136. седница на чиј дневен ред се четири точки: разрешувањето на министерката за труд и социјална политика, Рашела Мизрахи, Предлог-законот за неевидентирани лица во матичната книга на родени, Предлог-законот за изменување и дополнување на Изборниот законик по скратена постапка, како и Предлог-законот за дополнување на Законот за лична карта во прво читање.

– Видете која е иронијата починтувани колеги Фејсбук – мејкери. Ме ставивте вчера во топовско место ја почнав седницата во 22 часот. Денеска 21.15 завршува расправата и кај сте сега? Сега објавувам пауза од еден час за координаторите од мнозинството да ми кажат кога да продолжам со седницата – рече Џафери.

На 135. седница освен Предлог-законот за ЈО е и Предлог-законот за изменување и дополнување на Законот за Советот на јавни обвинители.

Џафери попладнево рече  дека Собранието ќе работи без прекин, додека не се распушти.

Седницата за распуштање е закажана за недела во 12 часот.