Заврши распитот на Боки 13, Дуковски посочи дека тој изнел „мноштво факти“ за случајот „Меѓународен сојуз“
Денеска Бојан Јовановски повторно беше на распит кај обвинителката Вилма Рускоска, во врска со случајот за работата на невладината организација Меѓународен сојуз, а по неколку часа испитување, неговиот адвокат Сашо Дуковски за новинарите изјавил дека Боки 13 ја кажал „целата вистина поткрепена со факти“.
– Прилично детална беше неговата изјава, можете да заклучите надвор од било какво разумно сомневање дека за секој основ и зборче што стои во наредбата за истрага се произнесе со мноштво факти – изјавил Дуковски.
Дукоски одбил да ја коментира изјавата на Јасна Мандиќ која исто така е осомничена во овој случај, а рекол дека била доведена во заблуда од Јовановски.
– Не сакам да коментирам изјави на туѓи лица, ги оставам. Моето мото е секој си стои зад она што го изјавил, ние нашата одбрана ја даваме во обвинителство и пред суд – изјавил адвокатот.