Заврши авантурата на Карим Бензема со Франција!
Фудбалерот на Реал Мадрид се најде во лоши односи со француската фудбалска федерација и изрази желба и подготвеност да ги брани боите на друга национална селекција.
Во текот на вчерашниот ден, првиот човек на францускиот фудбал, Ноел Ле Грае вели дека е завршена репрезентативната кариера на Бензема и покрај тоа што играчот покажува добри перформанси.
Веднаш реагираше играчот на својот „Твитер“ профил: „Кога сум завршил, дозволете ми да играм за друга репрезентација и тогаш ќе видиме!”
Noël je croyais que vous n’interfériez pas dans les décisions du sélectionneur!Sachez que c’est moi et moi seul qui mettrait un terme à ma carrière internationale.
Si vous pensez que je suis terminé, laissez moi jouer pour un des pays pour lequel je suis éligible et nous verrons.— Karim Benzema (@Benzema) November 16, 2019
Во принцип, Карим е речиси невозможно да облече дрес на друга репрезентација. Но, како што пренесува шпанската „Марка” има дупка во правилата.
Тој има алжирско потекло и може да се обиде соодветно да игра за африканската репрезентација, а за тоа тоа да се случи Француската влада мора да му го одземе државјанството на Бензема, а потоа и да добие алжирски пасош.
Воедно треба да добие одобрение од светската фудбалска федерација (ФИФА) во чиј правилник се вели доколку фудбалер кој одиграл натпревари за национален тим на една земја, го загуби државјанството против неговата согласност и со одлука на локалните власти, тој може да побара дозвола од ФИФА да претставува репрезентацијата на друга земја чие државјанство го има добиено.
И на крајот Комисијата за утврдување на статусот на играчите треба да донесе конечна одлука. Бензема има учинок од 27 голови и 18 асистенции во 81 одигран натпревар за Французите.