„Таа е нонстоп на суд. Повеќе време поминува на суд. Нема промени, немам примедби, не сум видел дека има проблем таму. Овде сум официјално од 21. декември. Се пристапува превентивно во однос на нејзината безбедност, исто како на почетокот. Мојата информација е дека е сама во соба. Тоа е безбедносна проценка, затоа што ако се случи нешто што ќе правиме? Станува збор за поранешен функционер. Нема шетање надвор од женскиот затвор, само во кругот со други, под надзор од службата“, изјави директорот на Казнено поправната установа „Идризово“, Јовица Стојановиќ за А1он.

Иако изразила желба да работи, поранешната министерка за внатрешни работи Гордана Јанкуловска не може да се посвети на изработката на интерниот затворски весник бидејќи постојано е на судења.

Имено, од приемното одделение каде беше сместена кон крајот на септември минатата година, Јанкуловска сега е префрлена во затворското одделение. Поради безбедносни причини, таа е сместена сама во соба и во затворот се движи под надзор од службите.