Затворска казна бидејќи намерно кашлал кон поранешната сопруга и ја заразил со коронавирус

Unsplash
Фото: Unsplash

Маж во Австрија (63) e осуден затоа што намерно ја заразил својата поранешна сопруга (70) со коронавирусот така што кашлал кон неа.

Портпарол на регионалниот суд во Линц изјави дека 63-годишникот е осуден на девет месеци затвор, условно на три години, пишува АП.

Мажот е осуден за обид за нанесување тешка телесна повреда поради намерно заразување на жртвата со ковид-19, во ноември минатата година, додека тие сè уште живееле во истата куќа, а пред разводот да биде завршен.

Обвинетиот, чие име не е објавено, кашлал кон 70-годишнишната жена откако дознал дека е позитивен на коронавирусот, рекол портпаролот на судот.

Мажот исто така бил осуден и заради закани кон жртвата и полесни телесни повреди кога ја фатил за врат и ја принудувал да ја напушти нивната заедничка куќа.

На обвинетиот исто така му е наредено да ѝ исплати 1.000 евра отштета на поранешната сопруга, која во меѓувреме закрепнала од инфекцијата со ковид-19.

Видео на денот