Затвореници копаат масовни гробници во Њујорк: Градските власти се подготвуваат за црно сценарио
Белата куќа предвидува дека коронавирусот ќе усмрти меѓу 100.000 и 240.000 луѓе, и тоа доколку населението ги поддржува насоките за држење растојание.
Најголемиот град во Америка, Њујорк се подготвува за најлошото сценарио во борбата против коронавирусот, кој досега инфицираше над 216.722 и усмрти над 5.000 во таа земја.
Затворениците кои ќе копаат масовни гробници покрај неопходниот алат ќе добијат и заштитна маска. На островот Харт, според проценките на надлежните, можат да се ископаат масовни гробници за 50.000 жртви во случај на пандемија, што е предвидено со планот за вонредни ситуации од 2008 година, кога прв човек на градот беше Мајкл Блумберг.
Затворениците од Рајкерс во просек погребувале меѓу 20 и 25 лица на градските гробишта на овој остров.
Колку е сериозна ситуацијата во цела Америка, сведочи и предупредувањето од Белата куќа во кое се предвидува дека коронавирусот ќе усмрти меѓу 100.000 и 240.000 луѓе, и тоа доколку населението ги поддржува насоките за држење растојание.
Две тешки недели
Претседателот Доналд Трамп ги предупреди Американците дека следуваат „две многу тешки недели“ во борбата против ширењето на коронавиурсот и ги повика до крајот на април да се придржуваат до насоките за социјално дистанцирање.
-Апсолутно е критично за американскиот народ да се следи насоките во наредните 30 дена. Тоа е прашање за живот и смрт – рече Трамп.
Тој додаде дека сака „секој Американец да биде подготвен за тешките денови кои престојат“. Во САД се заразени повеќе од 185.000 лица, додека над 4.000 починаа.