Сите големи хотели на охридско струшкото крајбрежје ставија клуч на врата. Ќе останат затворени најмалку до крајот на месец март, објави МРТВ.

Главна причина како што пишува јавниот сервис е енергетската криза. Од хотелската асоцијација ХОТАМ велат невозможно е да се покријат високите сметки за струја, кои месечно достигнуваат илјадници евра.

„Мораше да се преземе нешто со оглед на скапата енергија, на сите поскапувања што ги имавме, а секогаш месеците јануари, февруари и март ни се најниска сезона, каде имаме најголеми трошоци а најмалку приходи. И логично беше тие месеци да затвориме“, вели Крсте Блажески, претседател на ХОТАМ.

Вработените во хотелскиот сектор се дома. Некои користат одмори и ќе земат целосна плата, други до стартот на сезоната ќе останат на 70% плата.