Затворени гласачките места во Белорусија: Прелиминарните резултати ја покажуваат доминацијата на Лукашенко
На изборите учествуваат пет кандидати. Централната изборна комисија соопшти дека на изборите во Белорусија до 18 часот гласале 79 отсто од избирачите.
Избирачките места на претседателските избори во Белорусија се затворени вечерва во 20 часа по локално време и почна пребројувањето на гласовите.
Одѕивот на гласачите до 18 часот беше 79 отсто, соопшти Централната изборна комисија. Најголем одѕив од 86 отсто е забележан во регионот Могилев, а најнизок од 62,3 отсто во Минск, пренесува ТАСС.
Гласатае е одржано на 5.767 избирачки места, вклучувајќи и 44 во странство. Право на глас имаат 6,8 милиони граѓани.
Денеска одржаните се шести претседателски избори во Белорусија од прогласувањето независност во 1991 година.
Покрај актуелниот претседател Александар Лукашенко, кој важи за фаворит, останатите кандидати се копретседателот на движењето Зборувај вистина, Андреј Дмитриев, поранешната пратеничка во Долниот дом од парламентот Ана Канопатскаја, домаќинката Светлана Тихановскаја и лидерот на Белоруската социјал – демократска партија Сергеј Черчен.
Актуелниот претседател Александар Лукашенко води на претседателските избори во Белорусија, а според прелиминарните податоци освоил 79,7 отсто од гласовите, покажуваат излезните анкети спроведени за телевизијата Мир.
Белорусија избира претседател: До 14 часот гласале преку 65 отсто од избирачите
На второ место е Светлана Тихановскаја со 6,8 отсто од гласовите, пренесува ТАСС.
Филмско апсење на руски новинари и камерман во Минск (ВИДЕО)
