Затворањето на границите ќе ја скрши економијата: Грчките лекари загрижени по пристигнување на заразени патници од Катар
Но епидемијата ја уништи и онака кревката економија и тоа тогаш кога почнаа да се покажуваат знаци на опоравување по речиси една деценија.
Откако е утврдено дека од 91 патник, кои во понеделникот слетаа со „Катар Ервејс“ во Атина, 21 се позитивни на коронавирус, поради што се запрени летовите до средината на јуни, се огласија и грчките лекари.
На сите патници, било да се позитивни или негативни на ковид-19 им е одредена мерка карантин.
– Знаевме дека може да дојде до вакви случаи. Ќе видиме што ќе се случува во текот на летото, рече професорот Николас Сипсас, експерт за заразни болести.
Грција во понеделникот соопшти дека ќе ги покрие сите трошоци за сместување на туристите позитивни на коронавирус. Минатата недела Кипар, чие економско опоравување исто така зависи од туризмот, објави слични планови.
– Наша цел е да обезбедиме максимална безбедност за населението и посетителите, рече портпаролот на владата Стелиос Пецас.
Удар врз и онака кревката економија
Грција, според Гардијан, успеа да одржи ниска стапка на инфицирани и да тргне кон ублажување на мерките од 4.мај. Строгото спроведување на мерките на почетокот од епидемијата резултираше со тоа што Грција забележа помалку од 3.000 заболени од ковид-19 и 179 починати, што е една од најниските стапки на смртност во Европа. Но епидемијата ја уништи и онака кревката економија и тоа тогаш кога почнаа да се покажуваат знаци на опоравување по речиси една деценија.
Атинската управа потсети дека сите летови ќе бидат можни од 15 јуни.
