Зашто сите не можат да се тестираат на корона како што тоа го прават фудбалерите
Поранешниот тренер на Реал Мадрид, Хозе Антонио Камачо, не верува дека фудбалерите треба да имаат предност кога станува збор за тестирањето на коронавирусот и споредбите со луѓето кои не се во фудбалот.
Шпанската влада даде зелено светло да се врати фудбалот и да се доигра Ла Лига по што започнаа масовните тестирања на фудбалерите за да се обезбедат услови за безбедно доигрување на сезоната.
Но, Камачо во интервју за радио Марка вели дека не му е јасно зашто секој не може да направи тест за коронавирус како што прават фудбалерите.
– Не се работи само за тоа дека фудбалерите се привилегирани, едноставно не ми е јасно зашто сите не можат да направат тест. Посебно оние кои се на првата линија на фронтот во борбата со коронавирусот – вели Камачо кој смета дека враќањето на фудбалот ќе ги оттргне мислите на луѓето од ужасниот вирус.
– За враќање на фудбалот е добро фудбалерите да тренираат индивидуално. Доколку се врати фудбалот, тогаш барем малку ќе ги оттргне мислите на луѓето од овој ужас.
