Заробена на аеродром: Без азил ја чека смртна казна – Слободен печат
ЖенаМагазин

Заробена на аеродром: Без азил ја чека смртна казна

Кога го проверувам мобилниот не знам дали е седум часот наутро или седум навечер, вели мисицата.

Поранешната иранска мисица Бахарех Заре Бахари (31) последниве три недели е заробена на аеродромот на Филипините и се плаши за својот живот.

Бахари неодамна објави видео во кое изјави дека се плаши за својот живот. Поранешната мисица се плаши дека властите ќе ја депортираат назад во Техеран, каде што ѝ се заканува смртна казна бидејќи го критикувала иранскиот режим.

На 17 октомври Бахари побарала азил, а одлуката треба да се дознае на 11 ноември. Дотогаш мора да користи јавен тоалет и да спие во мала соба.

Facebook

„Не ми е добро. Ми паѓа косата од стрес. Понекогаш психички толку лошо се чувствувам, овде немам приватност бидејќи нема врата во собата и секогаш сум загрижена кога сакам да се преслечам“, изјавила и додала дека ментално ја убива собата во која спие.

„Сите ѕидови се бели, креветот е бел, сè е бело. Секогаш е осветлено. Кога го проверувам мобилниот не знам дали е седум часот наутро или седум навечер. Го губам времето, а понекогаш го губам и разумот“, додала.

Instagram

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close