Заразени билки и животни: Коронавирусот не е само закана за луѓето?
Во Танзанија откриени коза и папаја позитивни на коронавирусот, а истрагата е во тек.
Директорот на Националната здравствена лаборатија во Танзанија и нејзиниот раководител за квалитет се суспендирани до истрагата, а до тоа дошло откако претседателот на Танзанија, Џон Магуфули се посомневал во веродостојноста на тестовите за коронавирус и наредил место луѓето тајно да се тестираат животни и билки.
Во пренос од својот роден град Чато во северозападна Танзанија, претседателот Магуфули открил дека тајно наредил тестирање на собрани примероци од животни и билки, а притоа на техничарите не им рекол дека станува збор за примероци кои не поттекнуваат од луѓе.
Претседателот рекол дека побарал од безбедносните сили да го проверат квалитетот на тестовите и откриле дека во лабораторијата тестирале папаја, кози и овци и на тестовите, од кои некои се покажале позитивните, напишале човечки имиња.
Во соопштението на Министерството за здравство се наведува дека министерот формирал комитет од 10 луѓе кои ќе го истражат однесувањето во лабораторијата и ќе достават резултати до 13 мај.
Според најновите податоци на министерството за здравство, објавени минатата недела, во земјата има 480 потврдени случаи на коронавирус, вклучувајќи 167 излечени и 16 починати.