Како што информиаат од Европската ракометна федерација уште еден натпревар во машката ракометна Лига на шампионите нема да се игра во закажаниот термин.

Во редовите на Мотор Запорожје вкупно 14 ракометари се позитивни на ковид-19 и ќе останат во карантин.

Поради тоа ЕХФ одлучи да го одложи дуелот на Украинците (среда, 14 октомври) против германската екипа Кил од четвртото коло во ЛШ, во рамките од „Б“ групата.

Коронавирусот беше причина да се одложат и два натпревари на Вардар 1961 во „А“ групата, против Елверум (Норвешка) и Пик Сегед (Унгарија).

Одложувања има и во женската ракометна ЛШ, односно на 11 октомври нема да играат Валчеа (Романија) и Подравка (Хрватска). Поради одлука на локалните власти во Валчеа во врска со ситуацијата со ковид-19 во областа веќе не е возможно овој натпревар да се игра во Валчеа во закажаниот ден.