Фудбалерот од средниот ред во последниот ден од летниот преоден рок стана член на Арсенал откако „топчиите“ ја активираа откупната клаузула од 50 милиони евра.

Шпанските медиуми објавија дека освен Атлетико Мадрид, и екипата на Леганес која минатата сезона испадна од Ла Лига ќе добие дел од парите.

Парти многу кратко беше член на овој клуб, односно само што беше купен, истиот ден беше продаден и тоа во периодот кога настапуваше во третата шпанска Лига и Леганес го задржа правото да добие 10 проценти од идните трансфери на Парти, а во овој случај тоа изнесува пет милиони евра.

Леганес исто така во 2017 година ги продаде преостанатите 40 проценти од догорот на Парти на Атлетико Мадрид за сума од шест милиони евра.

Поради тоа, Леганес на трансферите на Томас Парти заработи дури 11 милиони евра иако фудбалерот дури не го ни облече дресот на овој тим.