9 C
Скопје

Започната е истрага за возач кој прегази пешак, па побегна

Судијата го прифати предлогот и на осомничениот му определи притвор во траење од осум дена.​

Основното јавно обвинителство Тетово поведе постапка против едно лице осомничено за кривични дела загрозување на безбедноста во сообраќајот и за неукажување помош на лице повредено во сообраќајна незгода.

Осомничениот, на 6 декември, на регионалниот пат Тетово-Јажинце, не се придржувал кон прописите и со тоа го загрозил јавниот сообраќај и го довел во опасност животот на луѓето. На критичниот ден тој управувал со автомобил Форд ескорт со тетовски регистарски ознаки и по регионалниот пат од Тетово кон село Пршовце возел со брзина неприспособена кон состојбата и условите на патот.

Возејќи со поголема брзина низ населено место и по воден коловоз, не успеал навреме да запре, па со предниот десен дел од автомобилот удрил во пешак кој поминувал преку патот. По несреќата осомничениот не застанал за да му укаже помош на повредениот, туку веднаш избегал од местото.

Прочитајте и...  137 санкционирани возачи во Скопје: 49 за брзо возење

Оштетениот од здобиените тешки телесни повреди починал на местото на несреќата.

Јавниот обвинител до судијата на претходна постапка од Основниот суд Тетово достави предлог за определување мерка притвор за осомниченото лице, поради опасност тој да се даде во бегство за да го избегне кривичниот прогон.

Судијата го прифати предлогот и на осомничениот му определи притвор во траење од осум дена.​

Поврзани вести

Пресуда за „Трезор”

Слободен печат

77-годишен могилчанец уапсен откако им се заканувал на соселаните со пиштол

Слободен печат

Жена пронајдена мртва во викендичка во село Раштак

Слободен печат

Автобус излетал од патот кај Демир Хисар – нема повредени патници

Слободен печат

Мртов маж пронајден на пазарот во Чаир

Слободен печат

Поднесено обвинение за тешка кражба во Скопје

Слободен печат

Остави Коментар