Град Скопје денеска започна со реконструкција на булеварот „Кочо Рацин“, на потегот од „Веро Џамбо“ до раскрсницата кај катната гаража кај „Макпетрол“.

– Реконструкцијата ќе се одвива во наредните 40 денови, во должина од околу 880 метри и бидејќи се одвива во сериозно сензитивни раскрсници, ќе продолжиме да го применуваме принципот на брзо, експидитивно квалитетна работа, со цел да го намалиме сообраќајниот метеж – изјави градоначалникот на Скопје, Петре Шилегов.

Градоначалникот најави и реконструкции на булеварот кај Бит Пазар и улицата „Павел Шатев“. Градот годинава ќе потроши околу 8 милиони евра за реконструкција на улиците.

Шилегов испрати апел до граѓаните дневно да се информираат за сообраќајниот режим со цел да се обезбеди што е можно побрзо одвивање на работата.