Започна производството на електричниот „SUV“ – „EQC“ (ВИДЕО)
Во фабриката во Бремен, гигантот од Штутгарт го стартуваше производството на својот прв електричен „SUV“ модел – „EQC“.
Според информациите, „EQC 400 4MATIC“ има автономија на повеќе од 400 км, а од „Mercedes“ тврдат дека просечната потрошувачка е околу 20 kWh на 100 километри без емисија на штетни гасови.
Моделот користи два електрични мотори со сила од 408 КС и 760 Нм, забрзува од 0 до 100 км/ч за 5,1 секунди, додека максималната брзина е електронски ограничена на 180 км/ч. Системот од батерии од 80 kWh има модуларен дизајн и се состои од 384 литиум-јонски ќелии, а за полнење 10-80% е потребно 40 минути преку „DC“ брз полнач.
Од „Mercedes-Benz“ соопштија дека почетната цена на моделот „EQC“ со стандардна опрема е 71.281 евра.
Во овој пакет на опрема се вклучени два 10.25-инчни дисплеи на контролната табла и мултимедијални MBUX со гласовни команди, систем за избегнување на судир, систем за навигација кој вклучува станици за полнење и ниво преостанато на капацитетот на батеријата, како и 19-инчни алуминиумски бандажи.
„Mercedes-Benz EQC“ има пет седишта и багажник со капацитет од 500 литри. Должината е 4.761 мм, ширината е 1.884 мм, висината е 1.624 мм, а пак меѓуосовинското растојание е 2.873 мм. Вака опремениот модел има вкупна тежина од 2.425 килограми.
За споредба, „Mercedes EQC“ е за 8.600 евра поевтин од „Audi E-Tron“, а нето цената од 60.000 евра го прави квалификуван за остварување на еколошки бонуси на регионално ниво.
Компанијата „Daimler“ има вложено 1 милијарда евра во производството на батерии, така што оние кои го напојуваат „EQC“ се прават во фабриката во Дрезден.