Во валандовските села Башибос и Кочули, по нивното внесување во организираниот систем за собирање отпад и поставување нови контејнери од страна на ЈП „Комунален сервис” почна да се подобрува заштитата на животната средина и да се поттикнуваат нови навики за поголема одговорност на жителите кон околината.

Од комуналното претпријатие во Валандово, соопштија дека неодамна почнале организирано да го собираат отпадот во селата Брајковци, Балинци, Марвинци, Удово, Чалакли, Дедели и Грчиште како и во двете туристички зони од кои едната е околината на манастирот „Свети Ѓорги”, а другата познатите водопади во непосредна близина на селото Кочули.

– Наша цел е за краток период да создадеме здрав и одржлив еко-систем во целата општина поради што апелираме до граѓаните отпадот да го фрлаат во поставените контејнери затоа што чистата животна средина,како предуслов за живеење во заедница со здрава иднина,е наша заедничка одговорност, велат од јавното комунално претпријатие во Валандово.