Започна мултимедијалниот фестивал „Преспаленд 2021“

Преспаленд
ФОТО: Промо

Со одбележување на првиот час по македонски јазик во старото училиште „Димитар Влахов“ во селото Љубојно, во саботата започна првиот мултимедијален фестивал во овој регион- „Преспаленд 2021“.

преспаленд
ФОТО: Преспаленд

Традиционалниот базар и локалните гурмански приказни беа надополнети со настапи на групата „Перија“ и виртоузот на канон и сах, Џенгиз Ибрахим, како и на „Поетри слем Македонија“.

преспаленд
ФОТО: Преспаленд

Во неделата на плажата Сливница, се одржа вториот фестивалски ден, каде што многубројната публика имаше можност да ужива во концертите на дуото Дац и Александар и Владо Јаневски.

Преспаленд
ФОТО: Преспаленд

Следните настани во чест на Илинден и Преспанското советување, ќе се одржат на 1-ви и 2-ри август во Амфитеатарот во Ресен и кај Споменикот во Отешево. Во рамки на „Преспаленд 2021“ акустичен концерт ќе одржат Љубојна и Слаткаристика, а посетителите ќе имаат можност да погледнат и македонски филм на отворено.

Влезот за сите настани е бесплатен.

Видео на денот