Запленета дрога во вредност од 1,4 милијарди долари во САД
Крајбрежната стража на Соединетите Американски Држави соопшти дека запленила „импресивни количества кокаин и канабис во вредност од приближно 1,4 милијарди долари за време на неколку операции на Флорида”, пренесува Си-Би-Ес њуз.
„Ова е најголемото истоварување на нелегална дрога во историјата на крајбрежната стража, рече командантот Стивен Полин на прес – конференција во Порт Еверглајдс, 45 километри северно од Мајами.
Тој прецизира дека станува збор за околу 27 тони кокаин и речиси 650 килограми канабис.
„Овие заплени беа извршени од неколку единици на крајбрежната стража со помош на канадската морнарица и со воздушна поддршка на граничната полиција на САД“ рече капетанот Тод Венс.
Според него, „овие екипи и нивните напори нанесоа голем удар во борбата против криминалните мрежи и нивното дестабилизирачко влијание” – На тоа сме сведоци во Централна Америка и на јужната граница на нашата нација, додаде тој.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот