ЗАПАЛЕНА ЏАМИЈА ВО САД: Властите нудат 5.000 долари за информации за сторителот (ВИДЕО)

Фото: Профимедиа

Американските власти во Конектикат нудат награда од 5.000 долари за информации, кои ќе доведат до апсење и процесуирање на лицето, кое ја запалило џамија во Њу Хевн.

Бостонскиот огранок на Федералното биро за алкохол, тутун, огнено оружје и експлозиви денеска соопшти дека нуди награда за помош во расветлувањето на случајот со подметнување пожар.

Огнот на 12 мај оштети два ката на џамијата Дијанет во Њу Хевн, а градоначалникот минатата недела изјави дека властите пронашле докази дека запалив уред или материјал бил користен за да се предизвика пожарот.

Гувернерот на Конектикат Нед Ламонт го осуди овој инцидент.

– Напад врз верска институција – од која било религија – поттикнат од омраза е одвратен и ужасен – изјави Ламонт на Твитер.

Покрај наградата на Федералното биро (АТФ), и државата Конектикат преку Програмата за спречување на пожари нуди до 2.500 долари за информации, кои водат до апсење и осудување на сторителот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот