Западен Балкан тема на средбата Варвициотис – Палмер – Слободен печат
ВестиРегион

Западен Балкан тема на средбата Варвициотис – Палмер

Палмер на средбата „го препознал придонесот на Грција како фактор на стабилност", како и водечката улога што земјата може да ја игра во регионот.

Европската перспектива на Македонија и Албанија и случувањата на Западен Балкан биле во фокусот на разговорите на алтернативниот министер за надворешни работи на Грција, Милтидис Варвициотис со заменик помошникот државен секретар на САД, Метју Палмер на нивната денешна средба во Атина.

– Дискусијата беше насочена кон случувањата на Балканот и во поширокиот регион. Посебен акцент беше ставен на прашањето за проширувањето на Европската Унија со Западен Балкан, по недонесувањето одлука за почеток на пристапни преговори со Албанија и Северна Македонија на неодамнешниот Европски совет, соопшти грчкото Министерство за надворешни работи.

Како што јави дописничката на МИА од Атина, во соопштението се додава дека Палмер на средбата „го препознал придонесот на Грција како фактор на стабилност”, како и водечката улога што земјата може да ја игра во регионот.

– Беа дискутирани и начините на кои може да се зајакне лидерската улога на Балканот, со посилно присуство на политичко и економско ниво, се додава во соопштението.

Алтернативниот министерот за надворешни работи на Грција при тоа ја истакнал клучната улога што Солун може да ја игра во регионот како „престолнина” на Балканот.

Заменик помошникот државен секретар на САД за Европа и Азија, Метју Палмер од вторникот престојува во посета на Атина, при што, како што вчера објави МИА, се сретна со министерот за животна средина и енергија на Грција, Костис Хаѕидакис и со претставници на опозициската  партија СИРИЗА.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close