Заострување на ковид мерките во Италија: Се затвораат рестораните, продавниците и училиштата

Фото: EPA-EFE/PAOLO SALMOIRAGO

Продавниците, рестораните и училиштата во поголем дел од Италија од понеделник ќе бидат затворени поради опасност од нов бран на епидемија на коронавирусот.

Од жителите се бара да останат дома, освен ако не мораат да одат на работа, на лекар или да излезат надвор поради некоја друга итна причина, јави Би-Би-Си.

Новите мерки ќе важат до Велигден, кој оваа година паѓа во првата недела од април за верниците кои го слават според грегоријанскиот календар.

Кабинетот на италијанскиот премиер Марио Драги соопшти дека од 3 до 5 април, кога паѓа Велигден, целата земја ќе биде прогласена за „црвена зона” со висок ризик и оти сè ќе биде затворено.

– Јасно ми е дека ова ќе има последици врз образованието на вашите деца, врз економијата и менталното здравје на сите, но потребно е да се избегне влошување на состојбата и уште построги мерки – изјави Драги.

Бројот на заразени лица во Италија повторно нагло расте, а вакцинацијата, како и секаде во Европската унија, забави.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот