Состојки:

500 грама компир

200 грама салама по ваш избор

1 пиперка

малку  сол

масло за јадење

3 чешниња лук

За преливот:

5 јајца

250 милилитри минерална вода

100 грама сирење

200 грама брашно

100 грама кашкавал

Подготовка:

Компирите убаво измијте ги, излупете ги а потоа исечкајте ги на коцки. Во садот со подготвениот компир, додадете салама по ваш избор, сечкана пиперка (лута или блага), масло за јадење, сол и неколку чешниња лук кои претходно ситно сте ги исечкале.

Сите состојки убаво измешајте ги а потоа префрлете ги во претходно подмачкана тава за печење. Распоредете ги состојките по целата површина на тавата.

Потоа, во друг сад, измешајте пет јајца, минерална вода, сирење, кашкавал и брашно. Овие состојки истурете ги во тавата за печење врз компирот и саламата. Печете ја питата околу 40 минути во претходно загреана рерна на температура од 180 степени целзиусови.