Луис Назарио са Лима Роналдо е еден од најдобрите напаѓачи во историјата на фудбалот, но колку ја сакаше фудбалската топка, толку ги обожуваше и жените.
Беше познат како еден од најголемите заводници, но по завршувањето на кариерата се одлучи на несекојдневен потег, во 2010 година направи вазектомија откако со ДНК анализа се утврди дека тој е татко на Александар кој е роден во 2005 година, а неговата мајка работела како келнерка во 2002 година.

Сепак, тој во интервју за „Financial Times“ изјави дека, е подготвен и доколку неговата сегашна девојка, супермоделот Селина Локс, посака дете од него.
– Да, имав вазектомија но замрзнав доволно сперма и мојата девојка доколку сака може да роди цела фудбалска екипа – се нашали Роналдо.

Бразилецот зборуваше и за ноќта пред одигрувањето на финалниот дуел од Светското првенство 2002 година во кој Бразил ја совлада Германија со 2:0.
Тој се плашеше да не доживее напад на епилепсија како што му се случи четири години претходно, пред натпреварот со Франција во 1998 година.
– Финалето во Јокохама се играше од 20 часот. Ноќта пред натпреварот си реков „ По ѓаволите, не сакам да заспијам“. Барав луѓе со кои можам да разговарам, дојдов кај Дида и му реков „Те молам, остани со мене“. Не спиев цела ноќ бидејќи ми беше страв да не добијам напад на епилепсија“ – открива Роналдо.

Тој додека беше активен фудбалер, добиваше замерки за прекумерната тежина, но Роландо имаше подготвен одговор и за тоа прашање.
– Десертите секогаш ми претставуваа проблем. Денеска постојат движења кои ги бранат правата на хомосексуалците, на црномурестите, но не се сеќавам некој да ме бранел кога ме викаа „дебелко“ – вели поранешниот фудбалер, на ПСВ Ајндховен, Барселона, Интер, Јувентус, Милан и Реал Мадрид.