Замолчете ја лудачата во вас поради која психички и физички сте исцрпени: 7 совети од лекарите за ослободување на стресот
Докторите проучувале како расте емоцијата во жената и како се бори со стресот, па понудиле неколку решенија за ослободување од стресниот циклус.
Секоја жена во себе има една „мала лудачка”, поради која понекогаш се чуствува помалку вредна и самокритична, тврдат експертите.
Имено, докторките Емили и Амелија Нагоски од Масачусетс напишале книга „Burnout“ која би требало да ни помогне да ја избегниме физичката и психичката исцрпеност, пишува Дејли Меил.
-Заклучивме дека сите жени имаат „внатрешна лудачка”, глас кој ги потенцира неуспесите во негативно светло, а тоа само го зголемува нивото на стрес, велат докторите.
Совети за управување со стресот:
- Трчање: Емил и Амелија истакнуваат дека физичката активност и секојдневното вежбање е еден од начините за ослободување од стресот.
- Дишење: побавно и длабоко дишење исто така ослободува од стрес, кога тој не е многу голем
- Разговор: Позитивната социјална интеракција, како што е опуштен разговор со колега или со блиските за забавни работи, навистина може да опушти.
- Смеење: познато е дека смеењето е лек за стресот. Затоа дозволете другите да ве насмеат.
- Бакнеж од шест секунди: бакнете ја саканата личност на шест секунди и повторно сетете се зошто ја сакате и колку сигурно се чуствувате во нејзино друштво. Тоа чуство на телото му праќа смирувачки сигнали.
- Прегратка од 20 секунди: и прегратката смирува, исто како и бакнежот. Затоа прегренете го партнерот или пријателката. Погалете го домашното милениче: не мораме да напоменуваме колку релаксирачки делува домашното милениче, макар и да не сте голем љубител на животни.
- Плачење: Понекогаш плачењето е единствениот начин да ја исфрлиме негативната енергија и стресот од нас. На тој начин новите и поубави емоции ќе допрат до нас.