Во Општина Битола, во чијшто Совет од неодамна има ново мнозинство, продолжуваат препукувањата помеѓу довчерашните неформални коалициски партнери, ВМРО-ДПМНЕ и независната советничка листа „Поинаку“.

Додека претседателката на Советот Габриела Илиевска тврди дека за изградбата на кружниот тек кај Ветеринарната станица гласале само 13 советници на ВМРО-ДПМНЕ, додека останатите советници не го поддржале проектот, заменик-градоначалникот на Битола и координатор на советничката група на ВМРО-ДПМНЕ, Бојан Бојкоски, реагира дека на седницата одржана на 28 декември лани, Советот едногласно изгласал одлука за прифаќање на амандман за издвојување средства за изградба на кружниот тек.

„СДС Битола и останатите советнички групи бесрамно лажат дека биле против изградба на кружниот тек на улицата “Прилепска”. Изградбата на кружниот тек на улица „Прилепска“ едногласно е поддржана од сите советници, на седницата на Советот на Битола одржана на 28.12.2022 година“, вели Бојкоски.