Заложничка драма во Англија: Напаѓач зазеде бензиска пумпа, едно лице е повредено

Британска полиција/Фото: EPA/ANDY RAIN

Најмалку едно лице е повредено денеска кога вооружен напаѓач зеде заложници на бензинска пумпа во британскиот град Бристол.

Напаѓачот, вооружен со нож, ги принуди вработените во бензинската пумпа да влезат во една просторија, објави Скај њуз.

Преговарачки тим на полиција се наоѓа на местото на инцидентот, обидувајќи се да ја заврши заложничката криза на безбеден начин, пренесува Би Би Си.

Повреденото лице е пренесено в болница и не е во животна опасност.

Полицијата го блокираше делот од градот каде што се наоѓа бензинската пумпа, наведува Би Би Си. 

Видео на денот