Законот за опојни дроги ќе се носи во скратена постапка
Владата го достави предлог законот за контрола на опојни дроги и психотропни супстанции во Собранието. Материјалите се пристигнати во Законодавниот дом и може да се погледнат на нивната интернет страница. Законот се носи со европско знаменце, односно по скратена процедура.
Претставници се министерот за здравство и заменикот Агим Муса кој си поднесе оставка по скандалот како бара мито.
Повереници пак ќе бидат Владимир Милошев и Михајло Костовски, државни секретари во Министерството за здравство.
Предлог законот предвидува да се доуредат надлежностите на правните лица во делот на одгледување на канабис за медицински цели и екстракцијата на маслото од сувото растение канабис и да се доуредат надлежностите на институциите одговорни во спроведување на одредбите од законот и доусогласување со новите европски регулативи
Со новиот предлог на закон се овозможува извоз на сув цвет добиен со одгледување на канабисот за медицински цели така што на правните лица одгледувачи на канабисот им е овозможено веќе произведените количини на сув хербален производ како опојна дрога ги пласираат на пазарите во Европа и пошироко.
Досега во Република Северна Македонија одобрение за одгледување на канабис за медицински цели по претходно добиена согласност од Владата имат добиено дваесет и девет фирми, со тенденција тој број да се зголемува.