7.9 C
Скопје

Заклучоци од презентацијата на МОН во Владата: Потребно е корисно и интересно образование, а не напорно и досадно

И Владата и Министерството за образование и наука (МОН) остануваат на ставот дека реформата ќе се носи исклучиво низ јавен, аргументиран, критички и отворен процес, бидејќи во нејзина основа се токму критичкото мислење, разбирањето и прифаќањето на различни, но добро аргументирани решенија.

Ова е заклучокот по денешната презентација на основите на образовната реформа пред претседателот на Владата на Зоран Заев и пред членови на кабинетот на премиерот што ја направија министерката за образование и наука, Мила Царовска и членовите на Работната група за реформи во основното образование.

Премиерот Заев, информираат од владината прес-служба, на средбата нагласи дека Владата, МОН, како и Работната група остануваат на ставот да ги поттикнуваат сите заинтересирани да се вклучат во јавната дебата, да придонесат со свои предлози, сугестии, коментари и критики преку активно учество во тековните јавни расправи на МОН, како и со испраќање на писмени предлози до надлежното министерство и Бирото за развој на образованието.

Прочитајте и...  Австралија ја одобри вакцината од Фајзер

Тој изрази поддршка за неопходноста од реформи на образовните програми, осврнувајќи се на потребата од современо и квалитетно образование како предуслов за економски напредок и за општествена трансформација базирана на вредности.

На презентацијата посебно внимание беше ставено на фактите кои говорат за неопходноста од образовни реформи без одлагање како што се ниските оценки за нашето образование на меѓународните тестирања на учениците, наодите и мислењата на меѓународните и на домашните институции за образовните програми, како и мислењето на родителите и на наставниците и пред сѐ мислењата на учениците.

Од анализите кои се користени утврдено е дека е потребно образование кое учениците го доживуваат како корисно и интересно, а не напорно и досадно, образование кое ги учи децата да учат преку разбирање и сопствено критичко мислење, а не „на памет”.

Прочитајте и...  Трамп со нов план против отповикувањето: Дали бившиот претседател ќе создаде нова партија?

За време на дебатата поврзана со презентацијата на основите врз кои се подготвуваат образовните реформи, премиерот Заев и министерката Царовска потенцираа дека оваа Влада реформите ги спроведува низ принципот „прифаќаме отворено да дискутираме”, наспроти принципот “одбиваме промени”.

Се разговараше дека со новата концепција за секое дете во државата ќе бидат достапни позитивни и современи модели на учење кои во моментот може да си ги дозволат само дел од граѓаните.

Посебно внимание беше посветено на потребата од темелна, наместо паушална реформа која ќе ги отстрани клучните недостатоци на нашиот образовен систем како што се политизацијата на училиштата, содржините на учебниците кои не се соодветни на времето во кое живееме и на потребите на децата, како и слабата мотивација на наставниците.

Прочитајте и...  Денеска се регистрирани 63 нови случаи на ковид-19, починати се 6 лица

На состанокот беше нагласено дека веќе се стигнати квалитетни предлози кои Работната комисија ги зема предвид и дел од нив ќе бидат прифатени.

Со цел активно и сеопфатно вклучување во јавната расправа, Владата ќе иницира до Собранието да организира јавна консултација на која ќе учествуваат сите засегнати страни и на која ќе се презентираат различни и спротивставени аргументи за да се стигне до најдобри решенија.

За време на дискусијата за потребата од образовни реформи беше истакнато дека инспирација треба да биде една од мислите на истакнатиот македонски револуционер Гоце Делчев кој рекол дека „Револуцијата на народот е во умот и срцето” која тој ја имал за водилка и за време на неговата учителска дејност.

Поврзани вести

„Ја разбираме карикатурата, но Петришиќ не го разбира силувањето“: Карикатуристот ја шокираше јавноста

Слободен печат

Втор ден немири во Холандија по воведувањето на „полициски час“: Инциденти во Ротердам и во близина на Мастрихт

Слободен печат

Филипче за набавка на ковид вакцини: Преговараме со кинески „Синовак“ и „Синофарм“, чекаме дози и од Ковакс механизмот и од „Фајзер“

Слободен печат

Шкотска ќе одржи нов референдум во мај

Срѓан Ивановиќ

Бајден повторно ги воведе ограничувањата за патување

Слободен печат

Гувернерот на англиската Банка: Криптовалутите веројатно нема да потраат

Слободен печат

Остави Коментар