Зајон е Дрејмонд Грин со ракети во задникот – Слободен печат
КошаркаСпорт

Зајон е Дрејмонд Грин со ракети во задникот

Сензацијата во НЦАА кошарката, Зајон Вилијамсон, се очекува да биде избран како прв пик на претстојниот драфт, а во НБА лигата „на големо“ се зборува за неговиот огромен талент.

За Вилијамсон заврши сезоната во НЦАА лигата по поразот на неговиот универзитет „Дјук“ од Мичиген стејт, но лудилото околу него не престанува.

Никој не се сомнева дека токму Вилијамсон ќе биде избран како прв пик на претстојниот драфт, поради што неколку екипи како Њујорк никс, Чикаго булс, Мемфис гризлис почнаа да „танкираат“, поточно намерно да ги губат натпреварите како би имале поголеми шанси да бираат први на драфтот. За него сметаат дека е најдобриот кошаркар кој се појавил во последните 20 години, поточно од Леброн Џејмс.

„Њујорк тајмс“ објави дека Зајон Вилијамсон ќе биде дел од американската репрезентација, популарниот „дрим тим“, на СП во Кина, а НБА скаутите почнаа да ја анализираат неговата игра.

„Нешто најблиску што сега постои во НБА е најверојатно Дрејмонд Грин, со тоа што Зајон е многу подобар атлета. Тој е Дрејмонд со ракети во задникот. Игра како крилен центар, а во ниска петорка може да игра и на центарската позиција. Знае да додава во вистинско време, може да презема и да чува играчи на секоја позиција“ изјави еден од скаутите кои ја анализираа неговата игра.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close