Зајакнато обезбедувањето на границата со Грција
Откако се појавија информациите дека стотици мигранти од бегалски камп во Солун се упатуваат кон македонската граница, надлежните служби велат дека ситуацијата е под контрола и дека земјава е подготвена да се справи со евентуален предизвик од нов бран на мигранти
– Македонската полиција ја следи ситуацијата на македонско-грчката граница и во моментот ситуацијата е под контрола – апелира министерот за внатрешни работи, Оливер Спасовски.
– Преку посебни планови веќе е зајакнато обезбедувањето на државната граница помеѓу Грција и Република Северна Македонија. Се работи за околу 1200 до 1500 мигранти, сега засега колегите од Грција ја контролираат таа бројка, но секако дека ние имаме обврска да бидеме подготвени и да ја штитиме границата и евентуалната можност за влез во Република Северна Македонија – изјави министерот Спасовски.