Зајакнато мнозинството на десницата на сенаторските избори во Франција

Десницата останува мнозинство во францускиот Сенат- Горниот дом на Парламентот, додека Европа екологија зелени (ЕЕЛВ) најавуваа формирање на политичка група, јави дописникот на МИА.

Резултатите од гласањето на 87.000 „големи гласачи” – избрани претставници 95 отсто од нив се претставници од градските собранија – се обележани со стабилност. Сенатот останува во рацете на десницата. Без пресврт во „домот на локалните заедници”, чиј половина состав беше обновен вчера.

Резултатите се делумен одраз на последните општински избори. Сепак односите на силите се променија малку по прераспределбата на 172 сенаторски места од вкупно 348.

На чело на Сенатот повеќе од шеесет години, освен од 2011 до 2014 година, кога мнозински беа социјалистите, десницата и нејзините сојузници ја зајакнуваат својата база.

Прочитајте и...  ВИДЕО | Шахпаска: Борба против дискриминацијата- еднакви права и слободи на сите граѓани

Групата Републиканци (ЛР) го задржува мнозинството во Сенатот со обновени 76 места и дополнителни десет места. Така ЛР и центристичкиот сојуз повторно се етаблираа како мнозинска група во Сенатот.

Силно поразена на општинските избори во јуни, претседателската партија Републиката во движење се чини помина исто толку лошо и на сенаторските избори. Групата ЛРМ оди подобро од очекуваното, задржувајќи 19 места, ваквиот статус кво за претседателската партија сепак останува знак на „неуспехот на територијалното распоредување партијата и нов неуспех на владината политика.

Друга поука од изборите е создавање на еколошка група, која го потврдува моментумот инициран на општинските избори каде што екологистите победија во неколку големи градови (Лион, Бордо, Стразбур, Безансон, итн.). Шест нови сенатори ЕЕЛВ им се придружуваат на петте еколошки сенатори кои веќе се избрани во 2017 година. 

Прочитајте и...  ВИДЕО: Емотивна средба, мајката и 11 годишно момче се прегнаа за прв пат по седум години кои тој ги помина во озлогласениот камп во Сирија

Социјалистичката група останува водечка опозициска формација во Сенатот и покрај ерозијата во членството. Според прелиминарните проекции, ПС ќе падне од 71 на 65 сенатори, пад кој делумно се должи на конкурентските листи на ЕЕЛВ во некои изборни единици.

Од губењето на теренот за Социјалистите има корист Комунистичката партија, која доби двајца сенатори.

Националниот собир (поранешниот Национален Фронт) успеа да го спаси своето единствено сенаторско место, ова наспроти сите очекувања.

Поврзани вести

ВИДЕО: Меркел ја затвора Германија, карантин од 2 ноември

Слободен печат

Рекордни 870 новозаболени во Македонија, 14 пациенти починаа

Слободен печат

Маричиќ: Целта на предлог-законот е пописот повеќе да не биде политичко прашање

Илинка Иљоска

Болниците во Словенија бараат волонтери, расте бројот на заразени лекари

Илинка Иљоска

Маричиќ: Зошто да не се обидеме и судењата да бидат онлајн?

Слободен печат

Поранешниот шеф на СТО: 50 отсто од светската популација може да биде лишена од пристап до вакцината во рок од неколку месеци

Илинка Иљоска

Остави Коментар