Захариевски: Пласманот на Струга ТЛ во Конференциската лига е награда за добрата сезона
Екипата на Струга Трим Лум, наредниот месец (8 јули) ќе дебитира во еропските купови, екипата ќе игра во првото квалификациско коло од новоформираната Конференциска лига. Противник на стружани е летонскиот Лиепаја, а првиот натпревар ќе се игра на 8 јули, додека реваншот е една седмица подоцна.
– Со одличната сезона минатата сезона се изборивме да играме во Конференциската лига. Не ни е важно дали противникот е идеален за европското деби, бидејќи мора да бидеме реални и доколку ги прашаме екипите на жрепките за европските купови – тие би не посакале нас – вели за „Слободен Печат“, тренерот на Струга ТЛ, Срѓан Захариевски кој најавува дека неговиот тим ќе оди на победа над летонскиот Лиепаја и ќе биде вистински репрезент на македонскиот фудбал.
– Ние ќе одиме да играме фудбал, да се надигруваме и да бидеме вистински репрезенти на македонскиот фудбал. Се изборивме со една мачна сезона и сега е време да уживаме. Со добра игра се надевам дека ќе дојдеме до можност да го победиме тимот на Лиепаја и да се избориме за наптревари против ЦСКА Софија – потенција Захаривски.
Фото: Струга ТЛ