Договорот го потпишаа градоначалникот на Загреб, Милан Бандиќ и челниците на Динамо предводени од претседателот Мирко Баришиќ.

Одлучено е новиот „Максимир“ да се гради на местото на постоечкиот, а изградбата ќе ја финансираат градот и фудбалскиот клуб, а се очекува новиот стадион да биде готов за две години од стартот на изградбата. Предвидено е покрај новиот „Максимир“ да се изградат и помошни терени и атлетски стадион.

„По одлуката на собранието на фудбалскиот клуб Динамо може да се започне со наредната фаза за реализација на овој историски проект за клубот Динамо кој е икона на спортот во Загреб, на љубители на спортот и на сите жители на Загреб“, стои со соопштението на градот.

Претседателот на Динамо, Мирко Баришиќ уште минатиот месец изјави дека клубот веќе има неколку идеи како би требало да изгледа новиот стадион, но сепак ќе направат конкурс за архитектонско решение за да се запазат сите законски рамки.