Заев: Зборот е збор, но горчината ја носам со мене и убеден сум дека сум оставил впечатоци

Зоран Заев во утрински брифинг
Зоран Заев премиер на влада на РСМ / Фото: Слободен печат / Драган Митрески

Зборот е збор и треба да се задржи кажа лидерот на СДСМ и премиер, Зоран Заев на новинарско прашање потенцирајќи дека во вторник ќе биде свикан извршен одбор за да се констатира неговата оставка од партијата.

-Не треба да се калкулира заради политичка фотелја. ДУИ знае дека ја одложив оставката. Целиот прогресивен свет продолжува напред и не е лесно да се биде прогресивен во политиката. Убеден сум дека сум оставил свои впечатоци, и убеден сум во горчината која ја носам со мене заради тоа што не можам да сфатам Карпош најинформиран,Карпош најупатен еден дел од највисоката интелигенција на Македонија вака да одлучи, почит спрема секој едноствно не можам да го сфатам како и одлуката за градот Скопје, вели Заев.

Нагласи дека останува на неговата јавна објава за оставка и од функцијата претседател на Владата и лидер на партија и дека ќе ги депонира оставките до надлежните институции веднаш штом биде осигурно парламентарното мнозинство.

– Ако се гледа како се поставките по Устав, до 14 декември не се стига за изборот на нова влада и нов мандатар. Логично е СДСМ да го искористи овој период и да го избере својот претседател. Затоа ќе побарам од органите и телата на партијата да биде свикан Централниот и Извршниот одбор за да се констатира мојата оставка и веднаш да почне постапката за избор на нов претседател на партијата.  Ако се успее во целиот овој период, а верувам дека може, СДСМ да има избрано претседател тој би требало да биде идниот мандатар односно да предложи нова Влада. Кога имате нов мандатар, треба да имате и нова влада, а не реконструкција на влада, нагласи Заев.

Видео на денот