9 C
Скопје

Заев за „Монструм”: Политичарите да ги тргнат рацете од судството и обвинителството

Многу е важна нашата улога каква држава, какво општество димензионираме, во кој правец ја насочуваме државата и пред сѐ младите луѓе. Затоа што не е во ред да се дадат лажни надежи. Тоа што ние можеме како политичари е да помогнеме во потврдување на доволно докази за реотворање на процеси и предмети, денес тоа го можеме преку институциите што се под Парламентот или Владата затоа што тие се управувани директно од политичарите, а согласно докази и аргументи обвинителите да одлучуваат и судовите да пресудуваат, рече на денешната собраниска седница премиерот Зоран Заев одговарајќи на пратеничко прашање од Скендер Реџепи од Алтернатива во врска со случајот „Монструм”.

Заев тврди дека нема никакво влијание, ниту каков било обид за влијание за овој случај или кој било друг и нема да има во понатамошните постапки пред Апелација, пред Врховен суд, затоа што, како што нагласи, тоа е минато свршено време. Секој, посочи, добива шанса и овде доказите и аргументите, според него, се богови во постапката. Истакна дека сосема нови обвинители и судии суделе по предметот.

Прочитајте и...  „Џонсон и Џонсон“ почна со испорака на вакцини против ковид-19 во ЕУ

– Уште во периодот на објавување на бомбите должност моја беше и како човек и тоа го сторив, сите прислушкувани материјали ги предадов во СЈО. Се отворија предмети и процеси, се реотворија, дел завршија успешно, дел завршија со повторување на казна, нови судски процеси. Ветувањето дека е вредно се за кое постои било каков дополнителен доказ и индиција, впрочем и нашите закони тоа го предвидуваат и Собранието отвори дискусија за посебни законски решенија на оваа тема се со конечна цел – правда, нагласи Заев.

Заев посочи е дека правдата е невин да не лежи во затвор, но правда е и тој што се огрешил по закон да одговара.

– Ова е еден од случаите во нашата земја кој доби повторување на постапка. Сите транскрипти, т.н. бомби, беа презентирани на јавна седница во судот, сите достапни на јавноста. Внимателно преку јавно достапните информации го следев целиот овој процес затоа што е чувствителен и за семејствата кои ги загубија децата и рибарот, и за луѓето кои се осомничени, и еве повторно осудени, дел ослободени, рече Заев, додавајќи оти процесот е воден на транспарентен начин.

Прочитајте и...  Автобус излетал од патот кај Демир Хисар – нема повредени патници

Правосудниот систем, како што нагласи, е тој што ги носи одлуките.

– И ако на кој било начин подгревано, неосновано, ставајќи го самиот систем под прашалник моја должност е да прашам, зошто таа година кога бевме заедно не направивте нешто со мене, затоа што не е наша работа, ниту тогаш ваша, ниту сега наша, ниту тогаш наша. Тоа е работа на јавно обвинителство и судот. Дефинитивно мора да знаеме дека политичарите треба да ги тргнат рацете и од судството и обвинителството. Таму течат процесите, рече Заев.

Процесот, како што вели, беше целосно достапен до јавноста и се гледале сите детали.

– Повторно се направи претсрес на сите докази и излезе аутпут којшто е пресуда на основен суд… Мора да има докази за да работи судот на тоа. Да направиме сѐ што можеме за кој било од случаите, да добие транспретна завршница, но во рамки на правосудниот систем, заклучи Заев, посочувајќи дека со правото на протест излегува вистината и тоа, како што нагласи, е слободарско право во демократски земји како нашата, но, додаде, треба да внимаваме и да работиме за да не загрозиме одредени многукратни други права на било кои од етникумите во нашата земја.

Прочитајте и...  Павле Беловски избран за в.д. претседател на ССНМ

Поврзани вести

Лавров во Техеран ќе разговара за нуклеарниот договор и кибер нападот врз Натанц

Слободен печат

Советот за безбедност на ООН денес разгледува извештај за работата на УНМИК

Слободен печат

Канада забрани извоз на дронови во Турција

Слободен печат

Бајден: Мирните протести се разбирливи, но нема оправдување за насилството

Слободен печат

Најмалку 20 загинати во автобуска несреќа во Перу

Слободен печат

ВИДЕО: Убиен ученик, ранет полицаец при пукање во средното училиште Остин-Исток Магнет во Ноксвил

Слободен печат

Остави Коментар