Заев: Ветингот е наша обврска, мора да поминеме низ тој процес
Премиерот Зоран Заев на денешната промоција на веб платформата „Отворени финансии“, при одговарањето на прашањата за новинарите, изјави дека нема да ја коментира најавата на Рускоска за финансиска истрага на судиите кои ја префрлија Јанева во домашен притвор.
Заев потоа зборуваше за ветингот како „неопходен процес кој мора да се случи“.
– Нашиот народ одлучува за протресување, и на судии, на политичари, агенции, министерства и слично. Учејќи од Албанија можеме да кажеме дека сме подготвени. Ветингот е наша обврска како општество. Не мислам дека треба да го спроведуваат политичарите. Не треба да се гледа на тоа како на мистерија, мора да се помине низ тој процес. Мора да се протресеме сите, да се знае дека ако сме влезени да и служиме на државата, треба транспарентно да ги дадеме сите наши податоци и за нашето семејство.
Заев додаде и дека во врска со овој процес има позитивни сигнали и од опизицијата, и се надева дека наскоро ќе се реализира.
– Мило ми е што гледам и сигнали од позицијата, па мислам дека е процес кој ќе се случи во иднина – заврши Заев.