Премиерот на Северна Македонија Зоран Заев вечерва со снимено видео обраќање ќе учествува на петтиот „Thessaloniki Summit 2020″, што оваа година, поради пандемијата ќе се одржи онлајн, јави дописничката на МИА од Атина.

Македонскиот премиер, неговиот грчки колега Кирјакос Мицотакис, албанскиот премиер Еди Рама и комесарот за соседство и проширување Оливер Вархеји ќе упатат видео пораки на панелот за ЕУ перспективата на Западен Балкан, што ќе се одржи на првиот ден од Самитот.

„Thessaloniki Summit 2020″ е под покровителство на претседателката на Грција Катерина Сакеларопулу, го организира Федерацијата на индустрии на Грција во соработка со „Делфи економскиот форум” и со поддршка од „Enterprise Europe Network Hellas”, а оваа година ќе биде во форма на дводневен виртуелен настан.

Македонскиот премиер и лани учествуваше на Самитот во Солун, а на маргините на „Thessaloniki Summit 2019″ оствари средба со грчкиот премиер Кирјакос Мицотакис.