Заев: Со Груевски се договориме за пржинска влада, за СЈО, со Мицкоски едно нешто не може да се договори
Пакетот на антикризни мерки е за доброто на граѓаните, да ја спасиме економија, да го задржиме стандардот и за заштита на честа на родителот пред детето. За тоа се работи. Не е се за критика, нешто е за поддршка, изјави премиерот Зоран Заев во интервју за ТВ Стар во врска со обвинувањата на опозицијата за четвртиот пакет мерки за справување со последиците на корона-кризата.
Тој нагласи дека ВМРО-ДПМНЕ „тера голо критизерство без аргумети”, потенцирајќи дека лидерот на партијата, Христијан Мицкоски излезе на прес-конференција пола час по објавување на мерките, тврдејќи дека не се добри.
– Немал време ниту да ги прочита и вели ништо не чини, вика ништо не е тоа, а пуштаме пакет од 470 милиони евра, нагласи Заев.
– Не може да седнете со Мицкоски да се договорите. Тој разговара за да не се договара, во изминатиот период од три години колку е тој претседател на ВМРО-ДПМНЕ една работа не договоривме, со Груевски договоривме пржинска влада, специјално обвинителство, нема ни една работа што е договорена со Мицкоски, додаде Заев.
Премиерот истакна дека опозицијата треба будно да ја следи работата на власта, коректив на нејзината работа, а ВМРО-ДПМНЕ продолжува со злокобни зборови на омраза и „Владата уште не беше избрана излегоа на протести”.
– Тоа можам да го објаснам само со самобендисаност, нарцисоидност, фрустрација само да се додржи во фотелјата во Белиот дворец, претседател на ВМРО-ДПМНЕ, се гази пред себе. Тоа не добро. Ако опозицијата е слаба – лошо е за државата, лошо е за СДСМ. Да има добра опозицијата е ќар за граѓаните. Ние можеме да продолжиме и вака, државата пак ќе оди напред и СДСМ ќе победува, ВМРО ќе губи.Но, посакувам да работам заедно со опозицијата, да почувствува дека сите заедно сме одговорни, истакна премиерот Заев во интервју за штипската телевизија Стар.