Заев: Сите сме свесни зошто референдумот е важен
Сите сме свесни зошто референдумот беше важен заради членството во НАТО и почеток на преговорите со ЕУ, рече премиерот Зоран Заев во одговор на новинарско прашање каде сме една година по рефернумот, што се одржа лани на денешен ден.
-Наскоро ќе станеме 30 членка на НАТО, уште седум држави не го ратификувале протоколот за нашето членство. Очите се вперени во Шпанија каде има избори, но очекуваме и таму навреме да заврши процедурата. На референдумот 610.000 граѓани дадоа поддршка, ниту една партија нема добиено толкава поддршка. Жал ми е што опозицијата ни тогаш ни сега не дава свој придонес – рече Заев.
Тој рече и дека е оптимист по прашањето за тоа дали Франција и Холандија ќе дадат поддршка за почеток на преговорите за членство во ЕУ.
-Ја користам секоја можност за да добијам информации и може да кажам дека сум оптимист. Холандија и Франција имаат внатрешна дебата – рече Заев.